ప్రస్తుత కాలంలో ప్రతి ఒక్కరికి ఇల్లు కట్టుకోవాలి అనేది ఒక కల. ఇల్లు కట్టుకోవడమే కాకుండా ఇంట్లో ఫర్నిచర్ కానీ, పెయింటింగ్స్ కానీ ఆకర్షణీయంగా ఉండాలని అందరూ కోరుకుంటారు. అయితే మన అందమైన ఇంటిని మరింత ఆకర్షణీయంగా చేసేదే ఈ త్రీడి వాల్ ప్రింటింగ్.
ఒకప్పుడు త్రీడి వాల్ స్టిక్కర్స్ కి ఎంత డిమాండ్ ఉందో మనందరికి తెలుసు. అయితే ఈ త్రీడి వాల్ ప్రింటింగ్ మాత్రం వాటిని తలదన్నేల మన రూమ్ లుక్ నే మార్చేస్తుంది. మన ఇంటికి ఎవరైనా బంధువులు గాని సన్నిహితులు గాని వస్తే ఈ వాల్ ప్రింటింగ్ చూసి ఔరా..! అనక తప్పదు. ఒక విధంగా చెప్పాలంటే మీ ఇల్లు చూడటానికి మాయాబజార్ సినిమాలోని ఒక ప్యాలస్ లా ఉంటుంది. అంతలా ఇది అందరినీ ఆకట్టుకుంటుంది. కొత్త తరహా టెక్నాలజీ కావడం ఈ బిజినెస్ గురించి ఎవరికీ పెద్దగా తెలియక పోవడంతో మార్కెట్ లో కాంపిటేషన్ అనేది ఉండదు. కాబట్టి మనం ఈ బిజినెస్ ద్వారా చక్కటి ఆదాయాన్ని పొందేందుకు అవకాశం ఉంది.
